Rregullatori i barnave i BE ka paralajmëruar për efekte të rënda mjekësore të shkaktuara nga mjekimet e përdorura kundër Covid-19.
Bëhet fjalë për klorokinën dhe hidroklorokinën, barna të cilat janë përdorur dhe për parandalimin e malaries.
Klorokina dhe hidroksiklorokina shoqërohen me çrregullime psikike dhe mendime për suicid.
Ato janë ndër trajtimet e para që u promovuan për të luftuar koronavirusin nga mjeku francez Didier Raoult dhe presidenti i SHBA-së, Trump.
Megjithatë që nga ajo kohë të dhënat tregojnë se nuk kanë efektivitet të lartë klinik.
Agjencia Europiane e Barnave tha se kishte filluar një rishikim të barnave pasi kishte marrë një njoftim nga autoriteti spanjoll i ilaçeve, AEMPS, për gjashtë raste të çrregullimeve mendore të lidhura me pacientë me koronavirus të cilëve u ishin dhënë doza më të larta se ajo çka autorizohej.
Pas rishikimit, komiteti i sigurisë i EMA ka rekomanduar që informacioni i produktit për medikamentet të azhornohet për të informuar profesionistët e kujdesit shëndetësor për këto rreziqe.
Të dyja ilaçet përdoren zakonisht për të parandaluar infeksionet e malaries dhe janë miratuar gjithashtu për të trajtuar një numër sëmundjesh autoimune.
Në medikamente të caktuara që mund të gjejmë gjurmë të këtyre përbërësve, çrregullimet psikotike renditen si një efekt anësor i rrallë, vuri në dukje EMA. /Re.D/Fjala.al
