Detaje të reja dalin në dritë nga vrasja e 22-vjeçarit Elidon Basha në Bulqizë, orët e para të ditës së sotme.
Mendohet se ka qenë shoku i tij Klodian Kola 27 vjeç, e cili deri tani mbetet i dyshuari kryesor i krimit. U tha më herët se mund ta ketë vrarë pa dashje me çifte pasi kishin dalë për gjah, por policia ka gjetur armën automatike me të cilën është vrarë i riu Basha.
Ai ka mbërritur pa shenja jete në spital, pas plagëve që kishte marrë në krah dhe ka humbur jetën si pasojë e gjakderdhjes. Policia ka mundur të gjejë një kallashnikov me të cilin dyshohet të jetë qëlluar Elidoni.
Klodian Kola ka thënë se nuk e ka vrarë ai shokun e tij, porse i kanë qëlluar disa persona të tjerë. Megjithatë bëhet me dije se Kola e kishte fshehur këtë kallashnikov të gjetur nga policia.
Dy të rinjtë ishin shokë të ngushtë dhe kishin dalë edhe herë të tjera për gjueti bashkë.
l.m/Fjala.al
