SPAK çon në gjyq ish-kreun e Tatimeve Korçë

113 563 lexime

106,048FansaPëlqeje

Prokuroria e Posaçme kundër Korrupsionit dhe Krimit të Organizuar ka përfunduar hetimet duke dërguar në gjyq me akuzën e korrupsionit ish-drejtorin e drejtorisë Rajonale Tatimore Korçë Thoma Tontonozi dhe Stjuart Bardhoshin ish punonjës në drejtorinë rajonale Tatimore Korçë.

SPAK deklaron se të pandehurit në bashkëpunim me njëri tjetrin, kanë kërkuar dhe kanë marrë përfitime materiale me qëllim për të mos ushtruar kontrolle tatimore te subjektet private që ushtrojnë aktivitetin tregtar në qytetin e Korçës.

“Prokuroria e Posaçme kundër Korrupsionit dhe Krimit të Organizuar Tiranë ka përfunduar hetimet paraprake për proçedimin penal nr.213 viti 2020, në ngarkim të të pandehurit Thoma Tontonozi ish Drejtor në Drejtorinë Rajonale Tatimore Korçë dhe Stjuart Bardhoshi ish punonjës në Drejtorinë Rajonale Tatimore Korçë.

Në përfundim të hetimeve paraprake, pasi janë kryer të gjitha veprimet e mundshme dhe të nevojshme hetimore, pasi janë vlerësuar të gjitha provat e administruara gjatë hetimeve, të pandehurit Thoma Tontonozi dhe Stjuart Bardhoshi, janë akuzuar për kryerjen e veprës penale “Korrupsioni pasiv i personave që ushtrojnë funksione publike”, të kryer në bashkëpunim, të parashikuar nga nenet 259 dhe 25 të Kodit Penal.

Nga hetimet e kryera u provua se të pandehurit e mësipërm në bashkëpunim me njëri tjetrin, kanë kërkuar dhe kanë marrë përfitime materiale të parregullta, me qëllim për të mos ushtruar kontrolle tatimore te subjektet private që ushtrojnë aktivitetin tregtar në qytetin e Korçës.

Në datën 04.11.2020 çështja penale në ngarkim të të pandehurve Thoma Tontonozi dhe Stjuart Bardhoshi është dërguar për gjykim në Gjykatën e Posaçme të Shkallës së Parë për Korrupsionin dhe Krimin e Organizuar” njofton SPAK. Drejtori i Tatimeve në Korçë, Thoma Tontonozi dhe Stjuart Bardhoshi u arrestuan në 27 gusht të këtij viti pas provave që siguroi SPAK.

l.m/Fjala.al


Të fundit

“Jam ulur dhe po i pres”, kryebashkiakja e parë femër rrëqeth me fjalët: Talebanët po vijnë të më vrasin, askush s’më ndihmon dot

Novelistja dhe publicistja turko-britanike, Elif Shafak ka publikuar në rrjete sociale, fjalët rrëqethëse të zonjës Zarifa Ghafari, kryebashkiakes së...

Covid-19 në Shqipëri/ Ulen rastet e infektimeve, shënohen 2 viktima

Ministria e Shëndetësisë njofton se nga 2183 testime të kryera gjatë 24 orëve janë konstatuar 200 raste të reja nga Covid, ndërsa ka pasur...

“Shqiptarë hapni zemrat afganëve”! Reagojnë komuniteti mysliman dhe kryegjyshat botërore: Mirë se të vijnë

Kryegjyshata Botërore Bektashiane dhe komuniteti Mysliman kanë reaguar për situatën e krijuar në Afganistan dhe vendimin e Shqipërisë për të pranuar afganë, që kanë...

Kapen 43 drejtues mjetesh gjatë fundjavës, pezullohen 186 patenta

Policia e shteti ka ushtruar kontrolle dhe ka arrestuar, 43 drejtues mjetesh gjatë fundjavës, i fundosën telefonatat e qytetarëve, pezullohen 186 patenta, dhe gjobiten...

IGJEUM: Ja qarqet ku rreziku për zjarret në pyje është i lartë sot dhe nesër

Instituti i Gjeoshkencave, Energjisë, Ujit dhe Mjedisit thotë se dita e hënë dhe e martë, paraqesin rrezik të lartë për zjarre në pyje në...

Lajme të tjera

Web TV