Kryetari i Kuvendit, Gramoz Ruçi ka dhënë një mesazh ngushëllimi për ndarjen nga jeta të themeluesit të TV Fax News, Kasem Hysenbelliu.
Ruçi shprehet se do ta kujtojmë e nderojmë përgjithmonë si një qytetar i denjë i Shqipërisë, si një kontribues mendjehapur të konsolidimit të medias së lirë.
“Ndaj dhimbjen me nënën, bashkëshorten dhe fëmijët e Kasemit, në ditën më të rëndë të jetës së tyre.
Kasem Hysenbelliun do ta kujtojmë e nderojmë përgjithmonë si një qytetar i denjë i Shqipërisë, si një kontribues mendjehapur i konsolidimit të medias së lirë, në shërbim të interesit publik e qytetar, si një sfidant i vështirësive për t’iu përkushtuar vendit, shoqërisë dhe qytetarëve.
Lamtumirë, Kasem, miku ynë i shtrenjtë!”, shkruan në mesazhin e tij të ngushëllimit Kryetari i Kuvendit./Bl.Ba/Fjala.al
