Detaje interesante janë zbuluar për jetën jashtëmartesore të futbollistit të ndjerë Maradona.
Modelja italiane, Karmen Di Pietro ka pranuar se dashuria e tyre lindi në vitin 1991 në kohën kur Maradona ishte i martuar me Klaudia Vilafanen, me të cilën kishte dy vajza Dalmën dhe Janinën. Në atë kohë Maradona u aktivizua me Napolin dhe me italianen ishte njohur gjatë një feste.
“Diego nuk ishte i bukur, por kishte gjithë ato kaçurrela të errëta, një buzëqeshje magjepsëse dhe një trup muskulor, që e bënin shumë seksi.
Ai bëri hapin e parë. Atë natë, para se të largohej, u afrua pranë meje dhe më pyeti nëse doja ta shihja përsëri në një vend më pak të mbushur me njerëz. Unë i thashë po dhe kështu caktuam një takim për ditën tjetër, në një hotel pranë stacionit.
Kështu filloi një lidhje sekrete, që zgjati rreth një vit e gjysmë. Diego dhe unë takoheshim 4-5 herë në muaj, zakonisht pasdite.
Por më e mira ishte kur kalonim natën së bashku. Përqafoheshim duke parë qiellin nga tarraca e hotelit si dy adoleshentë. Diego ishte i tillë. Ai do të kishte shpikur gjithçka për të më parë.
Unë do të rrezikoja gjithçka për ty, më thoshte.”, përfundon ish- e dashura e Maradonës, Karmen Di Pietro./r.g/Fjala.al
