Ilir Meta do jetë president deri në korrik të vitit 2022. Ata që menduan dhe ideuan që ai do largohej vetë apo do ta shkarkonin nuk rezultuan të saktë. Duket qartë se ai do ta konsumojë të plotë mandatin e vet në krye të shtetit. Por pyetja është se çfarë do ndodhë pas largimit nga presidenca? Gjatë emisionit HARD TALK NGA ROLAND QAFOKU ish-deputetja Nora Malaj deklaroi:
-A do ndryshojë LSI kur Meta të mbarojë mandatin e tij si president?
-Deri sa të vijë ky moment, LSI duhet të jetë partia Queen që duhet të marrë forcën reale në politikë. Përsa i përket Presidentit të Republikës, ka një rol shumë të rëndësishëm në këto zgjedhje pasi ai e ka shprehur në disa nga daljet e tij që do jetë garant i Kushtetutës dhe me anë të saj do garantojë me anë të gjithë mekanizmave ruajtjen e votës dhe ruajtjen e vullnetit të popullit për të shkuar te kutia e votimit me të drejtën që ai ka pa e shtrembëruar këtë votë. Zoti Meta së pari ka detyrën ta mbyllë si President i Republikës duke i dhënë gjithë sharmin dhe vlerën, dhe të çlirohemi nga e keqja e madhe duke i dhënë fund kësaj autokracie./Fjala.al/Ke.Ba
