Nora Malaj është një nga politikanet më të njohura në vend. Ka afro 25 vjet në politikën aktive dhe tashmë mund të bëjë një bilanc se çfarë i ka dhënë dhe çfarë i ka marrë kësaj fushe. Gjatë emisionit HARD TALK NGA ROLAND QAFOKU, Malaj listoi disa nga këto pika.
-Shumë i ke dhënë kësaj LSI-së, shumë i ke dhënë dhe politikës shqiptare. Çfarë ke fituar nga politika?
-Në politikë ka edhe idealistë që janë tragjikë si puna ime. Mora dashurinë, inatin dhe fjalët fyese hera-herës. Arrita të bëja një ligj për barazinë gjinore që ishte i 2002, ndërkohë që nuk e bënte dot askush dhe ndërkohë që atëherë më luftonin dhe gratë. Kuptova që ato gjëra që kisha thënë nuk ishin vetëm teori, por janë pjesë praktike dhe me të vërtetë të jetosh në Shqipëri, të jesh grua, të garosh fort, të guxosh fort, nuk është e thjeshtë. Ndaj mbështes çdo grua në politikë dhe ndihem e keqardhur për çdo grua që nuk lënë fjalë pa i thënë. Mora miqësinë me gazetarët dhe një dashuri maksimale edhe me ato portale që kanë dashur “të më bëjnë pis”. Kuptova se ç’është politika. Është si puna e gjuhës, që kocka nuk ka por kocka thyen. Dhe duhet të jesh një politikan i përgjegjshëm që të kesh pak moral për të hyrë në garën politike. Kuptova që ka dy kategori politikanësh, Ata që duan vendin dhe ata që duan pushtetin. Unë doja që të isha pjesë e politikës për dashurinë që kisha për Monikën dhe Ilirin. Që në fillimet e tyre ata ishin shumë socialë./Fjala.al/Ke.Ba
