Ka një diskutim në LSI për të rinjtë dhe të vjetrit në këtë parti. Një pjesë mbështesin fort të rinjtë dhe një pjesë thonë “old but gold”. Megjithatë duhet thënë se janë shumë figura në këtë parti që janë të rinj dhe të reja dhe dalëngadalë po krijojnë profilin e tyre. Por përse gjithnjë e më shumë kjo forcë politike po mbështet të rinjtë? Përgjigjen e kësaj pyetje e ka dhënë Nora Malaj gjatë emisionit HARD TALK NGA ROLAND QAFOKU.
-Shumë pak figura të themelimit ka LSI tashmë. Ju me të drejtë e quani që LSI është partia e të rinjve, por “old but gold është shprehja”.
-Sigurisht disa personalitete si profesor Klosi apo profesor Xhufi. Të dy personalitet bënë zgjedhjen e tyre në një kohë të caktuar, kur morën mandatet e deputetëve, kur dhanë kontributin e tyre nën siglën e LSI-së. Zotin Haxhinasto e kemi në krye të listës këtu në Tiranë. Lefter Koka ka kohë që ka ikur nga LSI dhe kjo është një zgjedhje personale. Kejdi dhe Floida, po sidomos Kejdi Mehmetaj është një kapacitet intelektual i një politikaneje që shumë shpejt do ketë sukses. Është një vajzë që mbaroi një fakultet shumë të vështirë siç ishte inxhinieria e ndërtimit, është më kompetente dhe se juristët dhe këtë nuk e kam unë mendim, në mënyrën e qasjes dhe analizës që i bën një ligji dhe në mënyrën e argumentit. Është një produkt i jashtëzakonshëm sepse ka logjikën e matematikës. E ka ndihmuar matematika të bëjë analizë të ftohtë dhe të qartë./Fjala.al/Ke.Ba
