Lajmi më i fundit për vaksinën anticovid është se nuk duhet ta bëjnë alergjikët. Vetëm në 24 orët e fundit ky është lajmi më i lexuar. Por çfarë thonë mjekët? Gjatë emisionit HARD TALK NGA ROLAND QAFOKU, mjeku i njohur Tritan Shehu tha se kjo varet nga shkalla e alergjisë që kanë ata që janë alergjikë.
-Thuhet se ata që janë alergjikë nuk mund ta bëjnë vaksinën anti-covid.
-Jo nuk është kështu. Ka shumë nivele alergjie. Ka njerëz shumë sensibël, ka njerëz më pak sensibël. Së dyti, unë jam reanimator dhe ne aplikojmë menjëherë medikamente dhe kur e dimë që mund të krijojë një reaksion alergjik te tjetri, por duke i marrë të gjitha masat. Sot shkenca është zhvilluar në këtë fushë dhe nuk janë kaq të frikshme këto gjëra. Padyshim kërkon një farë studimi për pacientin, për ata që kanë alergji të theksuara. /Fjala.al/Ke.Ba
