Kryeministri Edi Rama e ka vendosur fokusin mëngjesin e sotëm në investimin e bërë në spitalin e Pediatrisë në qytetin e Durrësit.
Përmes një video në Facebook, ai ka sjellë pamje të ambienteve të brendshme të spitalit të rinovuar si dhe disa rrëfime të mjekëve.
Mjeket shprehen se ky spital është transformuar dhe është bërë me kushte më të mira duke i ofruar pacientëve trajtim të mirë.
Një tjetër infermiere shprehet se dikur ka pasur ankesa nga prindërit mbi kushtet e spitalit ndërsa transformimi që i është bërë, është si nata me ditën.
“Unë jam infermiere prej shumë kohësh në urgjencën e Pediatrisë dhe jam shumë mirënjohëse sidomos në kohën e COVID-it në këtë situatë kaq të vështirë të bëhet kjo godinë kaq e mrekullueshme. Nuk kam punuar kurrë në kushte kaq të mira” – u shpreh një prej mjekeve.
“Dikur neve na vinte zor për kushtet që ishin për fëmijët që i çonim në dhomën e shtrimit. Sot është si nata me ditën. Këto kushte na e bëjnë më të lehtë të jemi më komod” – tha një mjeke.
“Prindërit dikur thonin se nuk mund t’i linin fëmijët këtu. Tani nuk duan të dalin nga spitali” – tha një tjetër mjeke./Bl.Ba/Fjala.al
