Një objekti në ndërtim i është vënë lëndë plasëse pak pas mesnatës mbrëmë në Shëngjin për të dytën herë brenda një harku kohor prej tre javësh.
Policia njofton se ngjarja ka ndodhur rreth orës 00:10 pranë zonës që njihet si “Rana e Hedhun” në Lezhë.
Lënda eksplozive i është vënë objektit në ndërtim në pronësi të shtetasit, Liman Gjoka, 56 vjeç, banues në Tiranë.
Ndërkohë, si pasojë e shpërthimit ka vetëm dëme materiale. Policia ka mbërritur në vendngjarje dhe ka nisur hetimet për zbardhjen e plotë.
Duke parë se është rasti i dytë brenda pak javësh në të njëjtin objekt, (hera e parë në 19 nëntor) policia dyshon se bëhet fjalë për një kërcënim ndaj pronarit të objektit./Bl.Ba/Fjala.al
