Irani ekzekuton gazetarin që kishte kundërshtuar regjimin

113 563 lexime

124,178FansaPëlqeje

Irani ka ekzekutuar gazetarin disident, Ruhollah Zam, puna në internet e të cilit ndihmoi në frymëzimin e protestave mbarëkombëtare më 2017.

Agjencia gjysmë-zyrtare e lajmeve ISNA raportoi më 12 dhjetor se Prokuroria Revolucionare e Teheranit njoftoi për ekzekutimin e Zam me varje. Aktivistët e të drejtave të njeriut shprehën zemërim.

Ekzekutimi vjen disa ditë pasi gjyqësori i Iranit njoftoi se Gjykata e Lartë kishte mbështetur një dënim me vdekje kundër gazetarit 47-vjeçar. Komuniteti ndërkombëtar e dënoi fuqishëm vendimin.

Pas konfirmimit që ekzekutimi ishte kryer, vëzhguesi ndërkombëtar i medias Reporterët pa Kufij (RSF) shkroi në Twitter se ishte “i zemëruar me këtë krim të ri të drejtësisë iraniane” duke shtuar se “truri i këtij ekzekutimi” ishte Udhëheqësi Suprem i Iranit, Ajatollah Ali Khamenei.

Zam u dënua me vdekje nga një Gjykatë Revolucionare në muajin qershor. “Reporterët pa Kufij” e kishin quajtur procesin gjyqësor si “shumë të padrejtë”.

Ai u dënua për “korrupsion në Tokë”, një akuzë e ngritur shpesh në raste që përfshijnë spiunazh ose përpjekje për të përmbysur qeverinë e Iranit.

Uebfaqja e Zam, AmadNews dhe një kanal që ai krijoi në aplikacionin popullor të mesazheve Telegram, kishin informuar njerëzit për protestat e vitit 2017, të cilat filluan për shkak të vështirësive ekonomike dhe u përhapën në të gjithë vendin.

Protestat paraqiten sfidën më të madhe për Iranin, që nga trazirat masive pas zgjedhjeve më 2009, dhe vendosën bazën për trazira të ngjashme në nëntor të vitit 2019. Më shumë se 20 njerëz u vranë gjatë trazirave dhe mijëra u arrestuan.

AmadNews u pezullua në Telegram më 2018 por më vonë vazhdoi punën me një emër tjetër. Zam kishte jetuar dhe punuar në Paris, përpara se të arrestohej në tetor të vitit 2019 në rrethana ende të paqarta.

Lexo edhe :  Nis krisja e Rusisë me Serbinë, gjërat po bëhen thuajse zyrtare

Trupat e Gardës Revolucionare Islamike të Iranit (IRGC) thanë se kishin “zënë” aktivistin në një “operacion kompleks”, por nuk njoftuan se ku ndodhi operacioni.

Zam, të cilin “Reporterët Pa Kufij”, me bazë në Parism, e përshkruanin si një “figurë shumë të diskutueshme si në Iran dhe në diasporën iraniane”, u shfaq publikisht duke pranuar akuzat dhe duke ofruar falje për aktivitetet e tij të kaluara.

Ai më parë kishte mohuar pretendimet se ai kishte nxitur dhunë, por e pranoi hapur se misioni i AmadNews ishte të rrëzonte qeverinë.

Irani rregullisht i detyron të burgosurit të rrëfehen publikisht, shpesh nën detyrim ose torturë./rel

Të fundit

Barcelona fut duart thellë në xhep! Duhen 100 mln euro për blerjen e vitit

Barcelona ka një ëndërr. Klubi katalanas do ta kalojë zhgënjimin e Nico Williams duke bërë një transferim edhe më...

“Presingu” i Ramës, Ermal Dredha firmos dorëheqjet e drejtuesve të Bashkisë së Vlorës

Kryetari i Bashkisë së Vlorës, Ermal Dredha, ka ndërmarrë një vendim të rëndësishëm këtë mëngjes, duke firmosur dorëheqjet e të gjithë drejtuesve të bashkisë....

Mes Bayernit dhe Barcelonës, Luis Diaz thyen heshtjen: “Jemi në negociata”

Luis Diaz është në qendër të vëmendjes këtë verë, me Barcelonën dhe Bayern Munich që janë gati të luftojnë në distancë për anësorin kolumbian...

VIDEO: Zjarri shkrumbon pyjet dhe i afrohet Marsejës, mbyllet aeroporti

Një zjarr i madh ka shpërthyer në pyjet pranë Marsejës, në Francën jugore, duke shkaktuar alarm tek autoritetet lokale, ndërsa flakët, të nxitura nga...

Pronarët e lokaleve në Lungomare: Do detyrohemi të mbyllim biznesin

Ndërhyrjet në Lungomare, të kërkuara nga Kryeministri Edi Rama, kanë nxitur pakënaqësitë e parë tek pronarët e bareve dhe restoranteve. Ata janë kundër ndërhyrjes në...

Lajme të tjera

Web TV