Një grup i vogël protestuesish që ndodhej në sheshin “Skënderbej” është detyruar të shpërndahen nga përdorim i gazit lotsjellës nga forcat e policisë.
Ndërkohë, blinda dhe dhjetëra forca policie, mes tyre edhe ato speciale janë duke qarkulluar në zonën e ish-Bllokut në Tiranë për të bërë të mundur shpërndarjen e protestës.
Policët janë duke patrulluar në zonë por mënyra e protestës, “guerrile” dhe e ndarë në disa zona ka bërë që të vështirësohet shpërndarja e saj.
Prej pesë ditësh, në Tiranë e qytete të tjera po protestohet për vrasjen e 25-vjeçarit Klodian Rasha ku kërkohet mbi të gjitha dorëheqja e drejtorit të Përgjithshëm të Policisë, Ardi Veliu.
