Në qytetin e Elbasanit shumë shpejt do të nisë puna për ndërtimin e Auto-Moto Parkut të parë shqiptar.
Lajmin e ka dhënë Kryetari i Grupit Parlamentar të Partisë Socialiste Taulant Balla, i cili përmes një postimi në rrjetin social facebook deklaron se pas Elbasan Arena, ky qytet do të ketë edhe “Elbasani Auto Moto Park”, ndërsa ka publikuar edhe projektin, i cili pritet të ndërtohet në zonën e Krastës.
Sipas Ballës, Elbasani Auto Moto Park do të jetë një destinacion i rëndësishëm fundjave dhe jo vetëm, pasi do të krijojë dhjetëra vende të reja pune dhe do të ndryshojë tërësisht zonën përreth.
Postimi i plotë i Taulant Ballës:
PAS ELBASAN ARENA,
VJEN EDHE ELBASANI AUTO MOTO PARK????
Vijon puna në Njësinë e Investimeve të DPSHTRR për projektin e Auto-Moto Parkut të parë shqiptar.
Zona kandidate, në Krastë të Elbasanit është drejt konfirmimit përfundimtar!
Në ditët në vijim do të prezantohet edhe projekti i plotë. Elbasani Auto Moto Park do të jetë një destinacion i rëndësishëm fundjave dhe jo vetëm, do të krijojë dhjetra vende të reja pune dhe do të ndryshojë tërësisht zonën përreth.
#ElbasaniqëDuam
