Presidenti i zgjedhur Joe Biden ka marrë vota të mjaftueshme elektorale për t’u zyrtarizuar si president i SHBA-ve. Kalifornia, shteti më i populluar i SHBA, i dha Biden 55 votat e saj elektorale, duke bërë që ai të kapërcejë zyrtarisht totalin e 270 votave, të nevojshme për të siguruar Shtëpinë e Bardhë.
CNN projektoi pesë javë më parë që Biden do të fitonte Shtëpinë e Bardhë, por fitorja e tij u zyrtarizua të hënën pasi zgjedhësit presidencialë u mblodhën si pjesë e procesit kushtetues për të zgjedhur zyrtarisht Presidentin.
Kjo është një goditje ndaj përpjekjeve të Trump për të bllokuar fitoren e Biden në Kolegjin Zgjedhor duke ngritur disa padi. Në Kaliforni, Biden fitoi më shumë se 63% të votave, ndërsa Trump fitoi rreth 34%.
Takimi i zgjedhësve është hapi tjetër i madh në procesin e Kolegjit Zgjedhor për të afirmuar rezultatet e përgjithshme të zgjedhjeve. Tashmë ceremonia kur Biden pritet të marrë detyrën është planifikuar më 20 janar, dy javë pas certifikimit të rezultateve nga Kongresi.
