Bebe Rexha është një nga këngëtaret më të dashura dhe shumë e famshme në të gjithë botën.
Bebe shpesh ka shprehur shqetësimin e saj në lidhje me pandeminë e Covid-19.
Se fundmi në rrjetet sociale ajo ka zbuluar se tezja e saj është prekur nga Covid-19 dhe se është në gjendje të rëndë shëndetësore.
Teksa ka shkruar për gjendjen e tezes ajo ka denoncuar edhe gjendjen alarmente në spitalet e Amerikës.
“Tezja ime është në spital për momentin. Ajo ka Covid. Pothuajse vdiq mbrëmë. E vetmja gjë që ajo i tha mamasë time ishte që spitali është aq i mbingarkuar sa është e vështirë të marrësh një infermiere. Infermierja i tha asaj ‘mos më thërrit derisa nuk je duke vdekur’”, ka shkruar Bebe në një postim në Twitter.
Më pas ajo ka publikuar sërish një postim tjetër ku tregon se një doktoreshë në Los Angeles i kishte thënë se spitalet janë të mbingarkuara dhe se nuk ka më kapacitete.
“Sipas Dr. Christina Ghaly, drejtoreshë e Shëndetit dhe Shërbimeve Njerëzore të Qarkut L.A, kishte vetëm 370 shtretër spitalorë për qarkun prej 10 milionësh. Disponueshmëria e ICU (njësi e kujdesit intensiv) ishte edhe më e keqe, me vetëm 56 të tilla të mbetura”, shkroi këngëtarja.
