Një përgjegjësi shumë e madhe e ka quajtur, Milva Ekonomi propozimin për emërimin në krye të Ministrisë së Bujqësisë. Në fjalën e saj të parë pas këtij propozimi, Ekonomi tha se tashmë është në dorë të presidentit për dekretimin e saj.
“Është përgjegjësi e madhe, kështu që më duhet bashkëpunim, më duhet të kuptojë, më duhet më shumë siguri.
Ne kemi bashkëpunim shumë të mirë me BE-në dhe e dyta që e kemi shumë të mirë ne sapo kemi filluar një reformë dhe mbështetje për të gjithë fermerët nëpërmjet mbështetjes për uljet të gjitha barrierave fiskale dhe procedurale për naftën. Kështu ka 2 gjëra të mira për të shkuar përpara”, u shpreh Ekonomi.
E pyetur nëse presidenti do i shkaktojë vështirësi, Milva Ekonomi është shprehur se kjo është detyrë e presidentit.
Milva Ekonomi do të zëvendësojë Bledi Çuçin në postin e ministres së Bujqësisë, pasi ky i fundit u emërua nga kryeministri Rama ditën e djeshme ministër i Brendshëm./Bl.Ba/Fjala.al
