Foshnjat e lindura nga nëna të sëmurë me koronavirus, lindin me antitrupa. Në këtë përfundim ka dalë një studim i kryer në Singapor.
Të pesë foshnjat e lindura nga gratë me Covid-19 që morën pjesë në studim lindën me antitrupa kundër virusit, megjithëse studiuesit shtuan se nuk është ende e qartë se çfarë niveli mbrojtjeje mund të ofrojë kjo.
Gjetjet e këtij studimi, ku morën pjesë 16 gra, u publikuan të premten ndërsa shumica prej tyre e kishte kaluar sëmundjen në formë të butë.
Komplikacionet më të rënda ndodhën tek gratë më të mëdha në moshë që kishin edhe një indeks të lartë të masës trupore, një trend që pasqyrohet në popullatën e përgjithshme.
Numri i antitrupave në foshnje ndryshonte dhe ishte më i lartë në mesin e atyre nënave të cilat ishin infektuar më afër kohës së lindjes, thanë studiuesit.
Megjithatë, kërkohet monitorim i mëtejshëm për të parë nëse antitrupat do të bien kur foshnjat të nisin të rriten, shtuan ata./Fjala.al
