Rregullatori i Bashkimit Evropian për sa i përket ilaçeve pritet të vendosë sot nëse do të autorizojë vaksinën e coronavirusit, Pfizer-BioNTech.
Sipas medieve të huaja, Agjencia Evropiane e Barnave me bazë në Amsterdam e afroi datën, pas presionit nga Gjermania dhe shtetet e tjera të BE-së për të përshpejtuar procesin.
Kërkesa për veprim u rrit ndërsa Britania e Madhe dhe Shtetet e Bashkuara të Amerikës miratuan këtë vaksinë dhe kanë filluar tashmë me vaksinimet.
Rregullatori tha se kishte punuar gjatë gjithë kohës për të përshpejtuar gjërat, por duhej të sigurohej që vaksina Pfizer-BioNTech ishte e sigurt dhe efektive, në mënyrë që të shmangte çdo dyshim që mund të ndikonte gjatë marrjes.
Kreu i komisionit Evropian Ursula von der Leyen, ka synuar fillimin e vaksinimeve në periudhën 27-29 Dhjetor, pothuajse menjëherë pas Krishtlindjeve.
Shumë shtetet të Evropës kanë lajmëruar se vaksinimi i qytetarëve do të nis menjëherë pas miratimit të tij nga EMA, si Italia, Gjermani, Greqia, Franca dhe Austria./Bl.Ba/Fjala.al
