Ministri i Brendshëm, Bledi Çuci pranoi se nuk kishte patur asnjë dijeni se kryeministri Edi Rama kishte propozuar pikërisht emrin e tij për të zëvendësuar ish-ministrin Sandër Lleshaj.
Në “Open”, ai tha se në momentin që mori lajmin kishte qenë në një aktivitet me ambasadorin e BE, Luigi Soreca, e madje ja kishte treguar ky i fundit nëpërmjet një mesazhi në Twitter.
Ai thotë se emërimi i erdhi si befasi, por shton se kjo nuk është një gjë e jashtëzakonshme.
“Nuk është çështje mosdëshire, por mosdijenie, madje dhe ish-ministri Lleshaj, tha “nuk kishte teje të madhe për këtë post”. Unë e kam marr vesh kur isha në një aktivitet me Sorecën , aty më tregon mesazhin në Twitter. Ishte një befasi për mua, por nuk ka asgjë të jashtëzakonshme. Unë nuk e prisja, jo se nuk jam i gatshëm për të bërë këtë detyrë, por sepse kisha disa projekte në zhvillim si Ministër i Bujqësisë dhe isha shumë i fokusuar, prandaj dhe befasia ishte e madhe dhe reagimi është ai që të gjithë e pamë. Nuk ka asgjë të jashtëzakonshme”, tha Çuçi.
Pa.Va/Fjala.al
