1948 – Gjenerali Hideki Tojo, kryeministër i Japonisë gjatë Luftës II Botërore, si dhe 6 liderë japonezë të tjerë të asaj periudhe, u ekzekutuan në Tokio për krime lufte dhe gjenocid.
1913 – Lindi Helmut Heinrich Waldemar Schmidt, politikan Gjerman, Kancelar i Gjermanisë Perëndimore nga 1974 deri në 1982.
1973 – Shtetet prodhuese të naftës u mblodhën në kryeqytetin Teheran të Iranit dhe vendosën të rrisin me 130 për qind çmimet e naftës. Një tjetër vendim i tyre ishte pezullimi i eksportit të arit të zi drejt Shteteve të Bashkuara të Amerikës dhe Holandës.
910 – Vdiq Shën Naumi (i njohur si Naumi i Ohrit). Informacioni mbi jetën e tij të hershme është i pakët. Nuk dihet nëse ishte vendas apo i ardhur. Lindur në vitin 830, në një rajon banuar nga ilirët, pushtuar nga romakët e më pas nga sllavët e jugut, Naumi u bë misioner i krishterë mes banorëve sllavë të sapo ardhur.
1950 – Papa Pius XII shpall se arkeologët në Romë kishin zbuluar një varr nën bazilikën e Shën Pjetrit që mund të jetë varri i shenjtorit. Pas zbulimit të eshtrave të tjera dhe të një mbishkrimi, më 26 qershor 1968, Papa Pali VI deklaroi se eshtrat e Shën Pjetrit ishin identifikuar plotësisht.
1954 – Transplantimi i parë i suksesshëm i veshkave u krye nga mjekët J. Hartwell Harrison dhe Joseph Murray, në Boston, në Spitalin Brigham. Procedura u bë mes binjakëve identik Ronald dhe Richard Herrick për të eliminuar çdo problem nga ndonjë reaksion i sistemit imun. Për këtë dhe punën e mëtejshme në fushën e transplantit, Dr Murray u nderua me çmimin Nobel për Mjekësi në vitin 1990.
