Kryeministri Edi Rama, përmes një postimi në rrjetet sociale, ka njoftuar ndryshimet më të fundit në qeveri. Gent Cakaj ka dorëzuar dorëheqjen e parevokueshme, mëngjesin e kësaj të marte.
Kreu i qeverisë e ka zëvendësuar Cakajn me ministren e Mbrojtjes Olta Xhaçka dhe në vend të saj ka emëruar, Niko Peleshin. Në postimin e tij, Rama shpreh falenderim dhe mirënjohjen e tij për Cakajn.
“Dua ta falenderoj me mirënjohje Gentin jo vetëm për dinjitetin në kryerjen e detyrës së derisotme, po edhe për gatishmërinë e plotë për të vijuar përpjekjen e përbashkët, duke u rikthyer në kabinetin e kryeministrit.”
Postimi në Twitter
“Pas një periudhe intensive pune në kryesimin e OSBE si edhe punës së madhe me përkushtim e profesionalizëm të Gent Cakajt si ministër në detyrë, ky është momenti për t’ia kaluar bashkarisht stafetën Olta Xhaçkës që të kryejë detyrën e ministres për Europën dhe Punët e Jashtme.
Dua ta falenderoj me mirënjohje Gentin jo vetëm për dinjitetin në kryerjen e detyrës së derisotme, po edhe për gatishmërinë e plotë për të vijuar përpjekjen e përbashkët, duke u rikthyer në kabinetin e kryeministrit. Ndërkohë Niko Peleshi do të drejtojë ministrinë e mbrojtjes.”
