Komisioni Qendror i Zgjedhjeve ka diskutuar sot projektvendimin për përfshirjen e policisë së shtetit ditën e votimit.
Komisioneri, Ilirjan Celibashi ka prezantuar pr/vendimin, ku tregohet qartë roli i policisë dhe rastet kur unifromat blu mund të ndërhyjnë në qendrat e votimit.
Celibashi tha se do të krijohet edhe një regjistër me veprat penale, që do t’i bëhet e ditur KQZ dhe ky regjistër do të mbahet nga Drejtori i Policisë së Shtetit.
“Projekt vendimi parashikon formën dhe dokumentin e identifikimit të punonjësit të policisë së shtetit. Detyrimin e drejtorit të policisë që me urdhër të veçante të përcaktojë llojin e armatimit dhe pajisjeve të tjera që do të mbajnë punonjësit e policisë së shtetit.
Detyrimi për policinë e shtetit që të përcaktoje planin e masave. Parashikohet instruktimi dhe trajnimi i policisë së shtetit. Ndalimin e angazhimit të punonjësit të policisë për të përdorur dhe angazhuar me detyra zgjedhore. Janë përcaktuar rregullat për komunikimin dhe bashkërendimin e masave të KZAZ me policinë e shtetit dhe dokumentonim e rasteve.
Ka përcaktuar ky akt një regjistër në lidhje me veprat penale në fushën e zgjedhjeve, regjistri i bëhet me dijë KQZ dhe mendohet të mbahet nga drejtori i përgjithshëm i policisë së shtetit. Ka përcaktuar detyra për punonjësit e policie në lidhje me shoqërimin e materialeve zgjedhore.
Ka përcaktuar rregullat në lidhje me ndërhyrjen e menjëhershme të policisë së shtetit në rastin e krimeve të rënda që ndodhin në Qendrën e votimit apo në zyrat ku kryhet veprimtari zgjedhore. Ka përcaktuar dhe shkeljet dhe sanksionet që lidhen gjatë përmbushjes së detyrave nga ana e policisë së shtetit”, tha Celibashi./Fjala.al
