Prej disa ditësh në mediat rozë është duke qarkulluar lajmi se Kim Kardashian dhe Kanye West janë divorcuar për shkak të një mashkulli.
Sipas thashethemeve reperi është ai që po planifikon të divorcohet nga ‘femra më e dëshiruar në planet’, pasi e tradhtoi Kim-in me grimierin e njohur amerikan.
Ndërkohë, Jeffree Star ka reaguar në lidhje me këto thashetheme. Jeffry postoi një video në kanalin e tij të YouTube, të cilës i vendosi titullin “Sqarimi i situatës me Kanye”, në të cilën ai i quajti akuzat “budallalliku më i madh që kam lexuar ndonjëherë gjatë gjithë jetës sime”.
Në fillim të videos ai u shfaq në garazh teksa shihte meme për të dhe Kanye. 35-vjeçari thotë: “Unë u zgjova dhe telefoni im po plaste dhe unë që po mendoja se çfarë skandali po ndodhte? Sinqerisht nuk kisha asnjë ide.”
Jeffree, i cili aktualisht jeton në Casper, Wyo., tha se ka marrë pafund mesazhe, telefonata dhe kërkesa për prononcim nga mediat në lidhje me thashethemet.
Më pas i mohoi kategorikisht akuzat se ka fjetur me Kanye. “Unë jam beqar. Unë nuk jam duke fjetur me askënd,”-rrëfen ai. “Më pëlqejnë burrat shumë të gjatë. Unë dhe Kanye nuk jemi shoqëruar kurrë, dhe e gjithë kjo është me të vërtetë qesharake.”
Nga ana tjetër, dy ditë më parë Kim u fotografua duke dalë nga makina e saj teksa ra në sy fakti se ajo e mbante në gisht ende unazën e martesës.
