Kryeministri Edi Rama e ka konsideruar të “pështirë” skandalin me sanitaren te COVID2, por tha se lajmi i mirë është demaskimi i saj.
Në “Open”, i pyetur nëse po ndikonte hetimet, duke e fokusuar problemin vetëm te sanitarja, Rama tha se “përjashto veten time dhe Zahon, të gjithë të tjerët mbajnë përgjegjësi për veprimet e tyre”.
Kreu i qeverisë u shpreh se “të gjithë ata që shkelin ligjin, që kapërcejnë kufirin etik, të shkojnë aty ku kanë vendin”.
“Përjashto veten time dhe Zahon, që është 6-vjeç, të gjithë të tjerët mbajnë përgjegjësi për veprimet e tyre, janë persona që përgjigjen individualisht. Këtë e them për të thënë se un jo që nuk kam asnjë tendencë që të mbroj, apo justifikoj, apo të lehtësoj situatën në një rast të tillë, por dua që mundësisht të gjithë ata që shkelin ligjin, që kapërcejnë kufirin etik, të shkojnë aty ku kanë vendin. Nuk kam njeri për të justifikuar dhe mbrojtur”, tha Rama.
