Kryeministri Edi Rama i është kundërpërgjigjur kryetarit të PD-së, Lulzim Basha pas akuzave që ky i fundit bëri për situatën e shkaktuar nga përmbytjet.
Përmes një postimi në ‘Twitter’, kreu i qeverisë bëri ironi me Bashën, ndërsa theksoi se bashkë me ish-kryeministrin Berisha, Metën, dhe kryetaren e LSI- së, “duan ta bëjnë komerdare edhe tërmetin, edhe virusin, edhe shiun, edhe borën, madje edhe Nusretin bashkë me Tiren, i duan për komerdare”.
“Qindra mijëra njerëz nën ujë edhe sot” sipas LB! Në fakt nën ujë janë Saliu, Iliiri, Luli dhe Mona që duan ta bëjnë komerdare edhe tërmetin, edhe virusin, edhe shiun, edhe borën, madje edhe Nusretin bashkë me Tiren, i duan për komerdare! Po halli është që s’i pret kush matanë😂”, shkruan Rama.
Ndërkohë kreu i demokratëve tha se Rama është një dështak, që ka 8 vite që është në pushtet dhe bën sikur ka ardhur dje. Sipas Bashës, Rama bën propagandë ndërkohë që shumë familje janë ende nën ujë dhe kanë nevojë për ndihmë./Bl.Ba/Fjala.al
