Një alarm për bombë ka ngritur në këmbë gjithë aeroportin e Frankfurtit në Gjermani. Policia menjëherë ka organizuar një operacion neutralizimi ndërkohë që qindra udhëtarë u detyruan të evakuohen.
Ndërkohë siç rapotojnë mediat e huaja, Policia i ka drejtuar armën një personi të dyshuar. Ende s’ka informacion të plotë mbi ngjarjen, tekas terminali 1 në aeroport, ku ndodhi gjithë skena tashmë është rihapur.
Alarmi për bombë në aeroportin e Frankfurtit duket se nuk ka qenë i rremë pasi mediat e huaja flasin për një të dyshuar.
Saktësisht DailyMail shkruan se i dyshuari që po ndiqej nga Policia, hodhi valixhen përtokë duke bërtitur ”Allah Akbar”.
Sipas Bild, dyshohet se personi që bëri këtë veprim është një i pastrehë, por ndërkohë edhe një i dytë është kapur më vonë.
Ndërkohë nga informacionet e para thuhet se Policia ka qëlluar autorin dhe disa foto nga vendi i ngjarjes kanë filluar të qarkullojnë në rrjet.
Pra për alarmin e ngritur mbërmjen e sotme në aeroportin e Frankfurt, që çoi në një pezullim të pjesshëm duke evakuar qindra udhëtarë janë arrestuar tashmë dy të dyshuar.
