Jemi në një periudhë kur vaksina kundër covid-19 po kërkohet nga të gjitha vendet e botës.
Mirëpo, një rabin ortodoks ka shokuar me deklaratën e tij se vaksina e koronavirusit mund të ndikojë në prirjet seksuale të njerëzve.
Rabini Daniel Asor, i cili ka një numër të lartë ndjekësish në rrjete sociale ka deklaruar se: “Vaksina e Covid mund t’i kthejë njerëzit në homoseksualë”.
Një media izraelite raportoi se Daniel Asor gjithashtu deklaroi se përpjekjet për të vaksinuar sa më shumë njerëz ishin pjesë e një ‘qeverie dashakeqe’, e cila po përpiqet të ndryshojë botën.
Deri tani nuk ka asnjë provë që vaksina e covid lidhet me homoseksualitetin dhe bie në kundërshtim me thirrjet e tjera të Daniel Asor, i cili i kërkonte njerëzve që të vaksinoheshin.
Sipas Independent, Daniel së fundmi ka thënë se: “Çdo vaksinë është bërë duke përdorur një substrat embrional dhe ne kemi prova se shkakton prirje të kundërta. Vaksinat merren nga një substrat embrional, dhe ata e bënë këtë edhe këtu, kështu që kjo mund të shkaktojë prirje të kundërta”-për të cilën i referohej homoseksualitetit.
