Është duke u zhvilluar në SHBA ceremonia ku Joe Biden do të betohet si presidenti i ri i Shteteve të Bashkuara ndërsa Kamala Harris do të bëhet gruaja e parë që shërben si zëvendës presidente, me një ceremoni modeste për shkak të pandemisë.
Në ceremoni mungojnë turmat e zakonshme prej qindra mijëra pjesëmarrësve dhe në vend të tyre do të jenë 200 mijë flamuj.
Në ceremoninë e betimit merr pjesë zëvendës presidenti në largim Pence, po ashtu si edhe ish presidenti Barack Obama më gruan e tij, Michelle, ish presidenti George Ë. Bush me gruan e tij Laura, dhe ish presidenti Bill Clinton dhe me bashkëshorten ish sekretaren e Shtetit Hillary Clinton. Dhe për të parën herë në 150 vite do të mungojë edhe presidenti në Largim Donald Trump .
Pas ceremonisë Biden dhe Harris do të vendosin kurora në Varrin e Ushtarit të Panjohur në Varrezat Kombëtare në Arlington.
Zoti Biden dhe zonja Harris pritet të flasin në mbrëmje në një shfaqje të posaçme televizive dhe në orën 23;00 do të nënshkruajnë urdhrat e parë ekzekutiv.
Në orën 2:30 do të jetë një koncert me artistët muzikorë Katy Perry, Luis Fonsi, Tim McGraë dhe Lin-Manuel Miranda dhe aktorët Kerry Ëashington dhe Eva Longoria, ylli i basketbollit, Kareem Abdul-Jabbar, kuzhinieri José Andrés dhe Kim Ng.
Autoritetet kanë shtuar masat e sigurisë për inaugurimin që mbahet dy javë pasi që mbështetësit e presidentit Trump sulmuan Kapitolin, në trazirat vdekjeprurëse ndërsa u përpoqën të pengonin certifikimin e fitores së zotit Biden, ku janë vendosur më shumë se 25 anëtarë të Gardëss Kombëtare.
Betohet Joe Biden! Zyrtarisht president i SHBA-së.
Joe Biden do të betohet si presidenti i 46-të, pritet që ai të ketë dorën e tij atje ku ka qenë çdo herë që ka bërë një betim zyre më parë – në Biblën e familjes Biden.
