Epopeja e Ballit Kombëtar është një poemë e publikuar për herë të parë në vitin 1944 me autor Shefqet Musaraj. Në të bëhet një propagandë kundër Ballit Kombëtar duke e denigruar si parti politike por edhe indivdët e saj të veçantë duke i sjellë si hajdutë pulash dhe bashkëpunëtorë me pushtuesin . Nuk ka një shembull të dytë në historinë e letërsisë shqipe që një poemë e vetme të shkaktonte aq efekt kundër një partie politike dhe drejtuesit të saj Mit’hat Frashërit. Sot kryetari i partisë Balli Kombëtar Demokrat Artur Roshi rrëfen historinë se si u përball me këtë poemë për herë të parë.
-Zoti Roshi, jam kurioz të di, kur në mësim zysha iu tregoi për Epopenë e Ballit Kombëtar, si reaguat?
-Diktatura denatyroi çdo fushë të jetës. Denatyroi ekonominë, denatyroi filozofinë, denatyroi çdo qelizë të jetës. Dhe nuk mund të linte pa denatyruar historinë e vendit mbi të cilën ajo mbante pushtetin.
-Ti vetë kur e dëgjove zyshën që do kishit këtë mësim, si reagove?
-Me një kundërshti.
-Në vetvete?
-Jo në vetvete absolutisht, e kam shprehur. Isha në shkollën fillore në fshatin Golem të Gjirokastrës. Më shumë mbaj mend reagimin e mësuesit te im atë sesa reagimin tim.
-Patët ndonjë problem më tej?
-Jo sepse aq mbeti ajo, në reagimin e një fëmije./Fjala.al/Ke.Ba
