Falë investimit të Drejtorisë së Përgjithshme të Postës është bërë i mundur rikonstruksioni i degës postare nr. 1 në Librazhd, në të cilën ofrohen 80 shërbime të ndryshme postare dhe financiare.
Posta e Librazhdit mundëson shpërndarjen e 3 mijë pensioneve në muaj, 1 mijë prej të cilave në banesa.
Shtimi i shërbimeve shtoi si nevojë edhe rikonstruksionin e ambienteve, në mënyrë që qytetarë apo biznese të marrin një shërbim dinjitoz.
Kryetari i grupit Parlamentar Socialist Taulant Balla inspektoi përfundimin e punimeve, ndërkohë që kërkoi nga zyrat postare
edhe ofrimin e shërbimit të internetit falas për të rritur
mundësinë e aksesit në
informacion sa më shpejt, por edhe për të lehtësuar komunikimin mes njerëzve.
Vetëm në vitin 2020 në Librazhd janë rikonstruktuar edhe zyrat postare në Njësitë Administrative Hotolisht dhe Qukës ndërsa brenda muajit shkurt do të nisë rikonstruksioni në zyrat postare Zdranjsh, Lunik dhe Stravaj.
Banorët e qytetit Librazhd tashmë kanë mundësi që pranë kësaj zyre të modernizuar tërësisht të aksesojnë:
✔20 shërbime postare ? dhe financiare.?
✔3 sportele në shërbimin tuaj në 7 ditë të javës.
✔Asistencë për aktivizimin e aplikacionit e-Posta?
✔Përkushtim, cilësi dhe korrektësi maksimale.
Gjithashtu vazhdon puna për rikonstruksionin edhe në disa njësi administrative.
