Mund të keni parë shumë personazhe publikë ose jo, njerëz me të cilët rastisni nëpër banka, në zyrat e shërbimeve, apo urbanë, që mbajnë dy maska. Ndërsa shkencëtarët kanë rënë në një mendje se virusi përhapet përmes spërklave, maska është një nga mjetet parandaluese që ato të shkojnë në sytë, hundën ose gojën e dikujt tjetër.
Maska N95 dhe ato kirurgjikale janë disa nga maskat më efektive për të ndihmuar në parandalimin e përhapjes së COVID-19 dhe në veçanti, maskat N95 mund të mbrojnë atë që e mban atë, ashtu edhe ata përreth tij.
Por një nga gjërat se ekspertët e shëndetësisë nuk po bien dakord, është nëse ka efekt apo jo mbajtja e dy maskave.
Pak muaj më parë, në nëntor, ekspertët e shëndetësisë në Amerikë dolën në një mendje se mbajtja e dy maskave nuk ka asnjë rol shtesë në sigurinë e personit që e mban.
Për shkak se maskat N95 dhe maskat kirurgjikale janë të dyja efektive, duke shtuar një maskë të dytë pas njëra tjetrës nuk do të shtojë domosdoshmërish më shumë mbrojtje.
Imunologjia amerikane Tania Elliott, madje ngritin një shqetësim për ata që mbajnë dy maska: “Kur vendos dy maska, spërklat mund të kapen mes maskave. Kështu që kushdo që dëshiron të vendos dy maska duhet të shmangë vendosjen e maskave në një sipërfaqe potencialisht të kontaminuar dhe duhet të jetë veçanërisht i kujdesshëm për pastrimin e rregullt të maskave”. Ekpertët thanë se ndërsa mbajtja e dy maskave nuk ofron më shumë mbrojtje, kjo nuk do të thotë që zakoni i maskës së dyfishtë është krejt i padobishëm, pasi kështu ruani maskën N95 dhe vazhdoni që të ndërroni vetëm maskën e sipërme.
Por ndërsa personazhet e famshëm e vazhduan këtë trend, disa ekspertët pavarësisht vërtetimit shkencor të këtij zakoni, bën që qëndrimi i tyre t’iu përshtatej trendit.
Ekspertja e shëndetit e Tia, Kathleen Jordan, thotë se një zakon i tillë krijon më shumë rehati për personin, bën që maska të ripërdoret dhe mund të jetë e një pengesë e efektshme virale.
“Mund të mbani një maskë pëlhure dhe më pas një maskë kirurgjikale. Maska prej cope lahet dhe mbulon boshllëqet anësore të krijuara shpesh nga maskat mjekësore, dhe lejon që përdoruesi të ripërdorë maska kirurgjikale”, tha Jordan.
Ekspertët bien në një mendim, kur thonë se ajo që ka rëndësi është që mjafton të mbani edhe një maskë, për sa kohë e mbani në mënyrë korrekte.
