Një vrasje me armë zjarri raportohet se ka ndodhur në fshatin Sheq në Fier, paraditen e sotme. Burime për Dosja.al bëjnë me dije se i vrarë ka ngelur një person.
Ngjarja ka ndodhur pak minuta më parë në qendër të fshatit Sheq, pranë tregut.
Paraprakisht mësohet se janë dëgjuar disa të shtëna, ndërsa një person është gjetur i pajetë me dy plumba brenda automjetit të tij, tip “Mercedes Benz”. Identiteti i viktimës ende nuk dihet.
Sakaq, Policia e Shtetit ka rrethuar të gjithë zonën dhe po punohet për të zbardhur rrethanat e ngjarjes së rëndë.
