Situata në qarkun e Shkodrës vijon të jetë e përkeqësuar si pasojë e reshjeve intensive që kanë rënë gjatë ditës së djeshme dhe gjatë mbrëmjes. Si pasojë, janë shtuar sipërfaqet e tokës që janë nën ujë.
Bashkia Shkodër njoftoi ditën e sotme se sipërfaqja totale e përmbytur është 3585 ha. Situata vijon të jetë e njëjtë edhe në Obot. Rruga e Obotit është e pa kalueshme me mjete të larta. Niveli i ujit mbi rrugë arrin rreth 110-120 cm.
Në fshatin Obot ka prezencë uji në oborre 60cm. Sakaq, kryebashkiakja Voltana Ademi ka kërkuar sërish shpalljen e gjendjes së jashtëzakonshme për Nj. A. Ana e Malit dhe Dajç.
