Qeveria e Indisë ka akuzuar këngëtaren Rihanna se ajo është përfshirë në politikat e tyre të brendshme, lidhur me protestat e fermerëve. Shkak është bërë një postim i këngëtares në mbështetje të fermerëve, të cilët prej ditësh po protestojnë dhe kanë tërhequr vëmendjen në të gjithë globin.
Rihanna kërkon që të gjithë flasin për fermerët në Indi, pasi sipas saj kërkesat e tyre janë të drejta. Në postimet e saj ajo është shprehur hapur kundër qeverisë, gjë që ka sjell reagimin e kësaj të fundit.
“Përdorimi i hashtag-eve dhe komenteve të bujshme të mediave sociale, veçanërisht kur drejtohet nga të famshëm, nuk është as i saktë dhe as i përgjegjshëm”, është një pjesë nga deklarata e Ministrisë së Jashtme të Indisë.
Disa orë pas postimit të këngëtares, një reagim pati dhe aktivistja adoleshente për klimën Greta Thunberg dhe aktivistja Meena Harris, duke mbështetur fermerët në kërkesat e tyre.
