Një person i quajtur Gentian Qarri, rreth 40 vjeç, ka mbetur i vrarë si pasojë e një atentati mbrëmjen e sotme në Vlorë. Ngjarja ndodhi ekzaktësisht pranë Kishës Ortodokse, në lagjen ’29 Nëntori’ rreth orës 18:16.
Qarri është qëlluan nga persona ende të paidentifikuar të cilët ndodheshin në një automjet dhe janë larguar pas aktit. Ndërkohë 40-vjeçari ka humbur jetën në spitalin e Vlorës, pasi është transportuar atje me urgjencë.
Aktualisht policia po punon për identifikimin dhe arrestimin e autorit apo të autorëve të ngjarjes.
