Ministrja e Shtetit për Marrëdhëniet me Parlamentin, Elisa Spiropali ka shënjestruar kreun e PD-së, Lulzim Bashën për postimin e bashkëshortes së tij në rrjetet sociale.
Nga foltorja e Kuvendit, Spiropali komentoi videon e Bashës, ku po gatuan në kuzhinën e shtëpisë së tij. Ajo ka hedhur dyshime mbi vërtetësinë e videos, duke ironizuar veshjen e kreut të PD-së në shtëpi. Sipas saj, Basha skuq vezë me xhinse dhe lustrafinë për Instagram.
“Lulzim Basha skuq vezë me lustrafinë dhe xhinse për Instagram. Ne kemi përballë Sali Berishën dhe Ilir Metën dy njerëz që nuk po lënë asgjë pa bërë; shpifje, fyerje, shantazhe, e deri te financimi i portaleve pa asnjë normë, din e iman, të cilët viktimat duan t’i bëjnë fajtorë”,- tha Spiropali.
