14 vjet më parë dy aktivistët e Lëvizjes Vetëvendosje, Arben Xheladini dhe Mon Balaj, u vranë me plumba gome nga policët rumunë të UNMIK-ut derisa po protestonin kundër negociatave të Kosovës me Serbinë dhe Pakos së Martti Ahtisaarit.
Në vitin 2007, protesta kishte eskaluar pasi ishin larguar rrethojat e vendosura në mes të sheshit “Skënderbeu”, në Prishtinë nga protestuesit të prirë nga lideri i Lëvizjes Vetëvendosje, Albin Kurti, afër objektit të qeverisë së Kosovës.
Më pas policia e rumune e UNMIK-ut, kishte gjuajtur me plumba gome dhe gaz lotsjellës në drejtim të protestuesve. Për pasojë, ishin plagosur shumë persona.
Vitin e kaluar ish-ministrja e Drejtësisë, Albulena Haxhiu, ia kishte nisur një kërkesë Ministrisë së Drejtësisë së Rumanisë për t’u njoftuar në lidhje me arritjet në procesin e hetimeve që shteti rumun po bën në kuadër të hetimeve për vrasjen e dy protestuesve nga Kosova. Porse deri më tani, nuk ka asnjë përgjigjje.
Në 14 vjetorin e vdekjes së aktivistëve të Lëvizjes Vetëvendosje (LV), Mon Balaj dhe Arben Xheladini, kryetari i kësaj partie, Albin Kurti ka vendosur lule në pllakën përkujtimore në bulevardin “Nënë Tereza”
14 vjet nga vrasja e aktivistëve të LVV-së në Kosovë, ende asnjë vendim për autorët
E Mërkurë, 10 Shkurt 2021, 12:32
14 vjet më parë dy aktivistët e Lëvizjes Vetëvendosje, Arben Xheladini dhe Mon Balaj, u vranë me plumba gome nga policët rumunë të UNMIK-ut derisa po protestonin kundër negociatave të Kosovës me Serbinë dhe Pakos së Martti Ahtisaarit.
Në vitin 2007, protesta kishte eskaluar pasi ishin larguar rrethojat e vendosura në mes të sheshit “Skënderbeu”, në Prishtinë nga protestuesit të prirë nga lideri i Lëvizjes Vetëvendosje, Albin Kurti, afër objektit të qeverisë së Kosovës.
Më pas policia e rumune e UNMIK-ut, kishte gjuajtur me plumba gome dhe gaz lotsjellës në drejtim të protestuesve. Për pasojë, ishin plagosur shumë persona.
Vitin e kaluar ish-ministrja e Drejtësisë, Albulena Haxhiu, ia kishte nisur një kërkesë Ministrisë së Drejtësisë së Rumanisë për t’u njoftuar në lidhje me arritjet në procesin e hetimeve që shteti rumun po bën në kuadër të hetimeve për vrasjen e dy protestuesve nga Kosova. Porse deri më tani, nuk ka asnjë përgjigjje.
Në 14 vjetorin e vdekjes së aktivistëve të Lëvizjes Vetëvendosje (LV), Mon Balaj dhe Arben Xheladini, kryetari i kësaj partie, Albin Kurti ka vendosur lule në pllakën përkujtimore në bulevardin “Nënë Tereza”.
Kurti tha demonstruesit e 10 shkurtit, po kërkonin pavarësinë dhe po kundërshtonin pakon e Ahtisarit, kur mbi ta janë shkrepur 232 plumba gome.
“Para 14 viteve në këtë shesh janë shkrepur 232 plumba gome mbi trupat e protestuesve paqësor dhe të paarmatosur, teksa po tërhiqeshin nga gazi lotsjellës. 8 sekonda pas gazit lotsjellës, janë shkrepur nga policia e UNMIK-ut, nga njësiti rumun, mbi demonstruesit të cilët po kërkonin pavarësi të plotë për Kosovë, po kritikonin e kundërshtonin pakon e Ahtisarit dhe padrejtësitë e saj që e gjymtonin sovranitetin. Drejtësia është mohuar për Monin e Arbenin. Liria dhe Vetëvendosja e popullit të Kosovës janë shumë të lidhura me këtë ditë. Ne bëmë homazhe në nderim të tyre duke mos harruar se brezat e shqiptareve e bartin pishtarin e lirisë nga njëri tek tjetri”, tha Kurti.
Ndërkohë, Këshilli për Mbrojtjen e të Drejtave dhe Lirive të Njeriut, vitin e kaluar ka kërkuar drejtësi për viktimat e 10 shkurtit, si dhe ka kërkuar që viktimat e Arben Xheladini dhe Mon Balaj të pranohen si viktima politike, të rehabilitohen dhe ta fitojnë statusin e merituar, ndërsa familjet e tyre të fitojnë të drejtën që e gëzojnë familjet e viktimave civile të luftës.
