Prindërit e Rozana Radit prej kohësh kanë ndërruar jetë. Këgëtarja e njohur i kujton shpesh me foto dhe postime tëndryshme në rrjetet sociale.
Mbrëmjen e djeshme, ajo publikoi në llogarinë e saj në Instagram një foto të tyre bardh e zi, në të cilën shihen krah njëri-tjetrit.
Me anë të këtij postimi, ajo zgjodhi të shpërndajë edhe një mesazh shumë të rëndësishëm për të gjithë të rinjtë që ende i kanë prindërit pranë tyre.
“Kur ju ishit aty, shpesh herë unë isha e zënë duke u rritur, saqë harroja që s’do t’ju kisha gjithmonë! Vlerën tuaj e kuptova kur shikoja vendin tuaj bosh!
E kam me ty që po më lexon tani:
‘Nëse një ditë koha e shpenzuar me prindërit e tu të duket sikur të kërkon shumë stërmundim, kujto se një ditë gjithçka që do të mbeten, do të jenë thjesht fotografitë!’
Ajo çfarë sot jam dhe shpresoj të jem nesër, ia kam borxh babait dhe nënës time”, shkroi aktorja.
