Dy djem shqiptarë kanë rënë në prangat e policisë italiane pasi u kapën me drogë dhe armë.
Mediat italiane bëjnë me dije se shqiptarët e moshës 29 dhe 30-vjeç ishin nisur nga Tirana dhe me të mbërritur në Itali, kishin zënë një dhomë hoteli “Bed & Breakfast” në Montichiar.
Karabinierët vendosën të kryejnë një vizitë, pas informacioneve që kishin marrë në rrugë operative. Ata i gjetën shqiptarët në momentin që po largoheshin me një valixhe në dorë, brenda së cilës kishin rreth gjysmë kg kanabis dhe 20 gram kokainë të ndarë në doza.
Ndërsa gjatë kontrollit në dhomën e hotelit, në dollap u gjet një trekëmbësh për armë snajper dhe një karikator pistolete.
