Qarku i Shkodrës vijon të jetë në vështirësi, pasi ka një prezencë mjaft të lartë të ujërave si pasojë e reshjeve intensive. Në një raportim të bërë mëngjesin e sotëm nga bashkia, thuhet se gjatë natës situata është përkeqësuar, duke shënuar rritje të nivelit të ujërave në territorin e Shkodrës.
Kjo për shkak të baticës dhe prurjeve nga të gjithë lumenjtë dhe liqeni në të gjithë zonën e Nënshkodrës së përmbytur në njësitë Ana e Malit, Dajç, Bërdicë, Velipojë dhe Rrethinat e qytetit. Sot në orën 7:30 hidrometri shënon 7m ne Dajç, ndërsa dje hidrometri në Dajç në orën 14:30, shënonte kuotën 6.96 m. Sot në orën 7:30 hidrometri në liqen shënon 9.35, ndërsa dje Liqeni të Shkodrës në orën 14:30, shënonte kuotën 9.22 m. Sot në orën 7:30 hidrometri Drin shënon 7.35, dje hidrometri i lumit Drin në orën 14:30, shënonte kuotën 7.50 m.
Situata e përmbytjeve në Nj. A. Velipojë sot më 12.02.2021, ora 08:00
-Janë 350 ha sipërfaqe toke e përmbytur në fshatrat Luarz , Ças, Baks i Ri dhe Reç i ri
– Nuk ka shtëpi të përmbytura.
– Në 8 shtëpi ka prezencë uji në oborre.
– Ka furnizim me energji elektrike.
– Qendrat shëndetësore në gatishmëri.
– Shkollat dhe kopshtet funksionojnë normalisht.
Situata e përmbytjeve në Nj.A. Ana e Malit, datë 12.02.2021
– Ka rënie të nivelit të ujit me rreth 10 cm.
– 1300 ha tokë bujqësore e përmbytur (fshatrat Oblikë, Obot Muriqan , Shtuf e Velinaj).
– Rruga e Obotit e bllokuar rreth 150 cm lartësi në rrugë.
– Shtëpi të përmbytura janë 8.
– Prezencë uji në oborre rreth 140 cm (fshati Obot.)
– Shumë garazhe e stalla bagëtish të përmbytura në fshatin Obot.
– Në fshatin Muriqan (Lagja Xhakaj e Kurtaliaj) janë 2 shtëpi me prezencë uji.
– Garazhe e stalla bagëtish të përmbytura në fshatin Muriqan.
– Makina e Ushtrisë në gatishmëri ora 07:45- 16:00 tek lagja Goricë (rruga e bllokuar).
– Rruga e Obotit është e pakalueshme (makina e ushtrisë nuk kalon).
– Ujësjellësi Oblika 1, i bllokuar nga uji (jashtë funksioni).
– Ujësjellësi Oblika 2, i bllokuar nga uji (jashtë funksioni).
– Qendrat shëndetësore në gatishmëri.
– Energji elektrike ka në të gjithë zonën.
– SPZ e zonës në gatishmëri.
– UKSH vazhdon të furnizojë me ujë të pijshëm banorët e fshatit Oblikë (kryesisht pallate).
– Varkat e FA, reparti BMR Tiranë, janë në gatishmëri (sipas nevojave) tek ura Sadiçit (fshati Obot).
– Në disa toka bujqësore lartësia e ujit arrin 2- 3 m.
– E bllokuar rruga Goricë, mbi 50 cm ujë (kalohet me makina ushtrie).
– Nevoja për bazë ushqimore për bagëtitë. Po presim të ulet sasia e ujit që të transportojmë ushqim për gjënë e gjallë. Me varka është e pa mundur.
– Situata është shumë kritike (dita 37 e përmbytjeve).
– Gjendja e vështirë në lagjen Gallube, fshati Oblikë (përmbytur garazhe e stalla bagëtish).
– Fshati Obot është në gjendje të jashtëzakonshme rrezikshmërie.
– Situata mbetet shumë e rënduar.
