Prokuroria e Posaçme Kundër Korrupsionit dhe Krimit të Organizuar ka kërkuar një seancë të veçantë për mjekun kardiolog Edvin Prifti. Ndaj tij është shtuar akuza e pastrimit të parave, pasi iu gjetën 250 mijë Euro dhe 16 milionë lekë kesh në zyrë e në shtëpi.
Emri i Edvin Priftit doli nga përgjimet që po kryheshin në Gjykatën e Krujës, operacion që u finalizua tri ditë më parë me arrestimin e 10 personave, mes tyre edhe gjyqtarja Enkelejda Hoxha. Mjeku Prifti dyshohet se mori ryshfet nga kryesekretarja e Gjykatës së Krujës, Manuela Mallakuçi për t’i operuar nënën.
