Meghan Markle dhe Princ Harry do të bëhen prindër për herë të dytë. Dhe njoftimi u bë ditën e Shën Valentinit dhe vjen saktësisht 37 vite pasi gazetat zbuluan se Princesha Diana ishte në pritje të Princit Harry.
Duka dhe Dukesha e Sussex, të cilët aktualisht jetojnë në Kaliforni, po përgatiten të mirëpresin një vëlla ose motër për djalin e tyre të vogël Archie këtë vit.
Një zëdhënës i Meghan, 39 vjeçe dhe Harry, 36 vjeç, tha: “Konfirmojmë që Archie do të bëhet një vëlla i madh. Duka dhe Dukesha e Sussex janë shumë të lumtur që presin fëmijën e tyre të dytë”.
Duket si një homazh për Princeshën Diana e cila njoftoi shtatzëninë e saj me Harry-n më 13 shkurt në 1984 për të lejuar mediat në të gjithë botën të përgatisnin kopertinat e gazetave për ditën tjetër. Në një prej gazetave shkruhej: “Sekreti pas asaj buzëqeshjeje… një bebe!”.
Harry dhe Meghan e dhanë lajmin me një imazh bardhezi, ku pozonin në natyrë. Gjinia e foshnjës, si dhe data e lindjes, nuk dihen ende.
