Deputeti socialist i Sarandës, Alket Hyseni është i pari që i ka shprehur ngushëllime për ndarjen e papritur nga jeta të kryetarit të PD, Hariz Mema.
Me anë të një postimi në rrjetet sociale Hyseni shprehet se Mema ishte një qytetar i mirë i Sarandës dhe një familjar i shkëlqyer.
“Lajmi i trishtueshëm për humbjen e jetës së z. Hariz Mema. Një qytetar i mirë i Sarandës, një familjar i shkëlqyer dhe një veprimtar politik që me politesë dhe shpirt demokratik dha një kontribut të çmuar për qytetin dhe zonën tonë. Marr pjesë në dhimbjen e familjes, të shokëve, miqve, patriotëve dhe anëtareve të Partisë Demokratike të Sarandës,” shkruan ai.
