Të paktën 40 persona kanë humbur jetën si pasojë e një aksidenti të rëndë, ku një autobus ka rënë në një kanal me ujë në shtetin Madhya Pradesh të Indisë.
Autobusi i krijuar për 34 pasagjerë ka pasur brenda 46 persona dhe vetëm 6 prej tyre kanë arritur të dalin të gjallë.
Zyrtarët ndërprenë ujin në kanal për të shpëtuar sa më shumë pasagjerë, por bilanci sërish ishte fatal.
Policia deklaron se më shumë se 110,000 njerëz vriten çdo vit në aksidente rrugore në të gjithë Indinë. Shumica e aksidenteve shkaktohen për shkak të pakujdesisë në drejtimin e mjeteve, mosmirëmbajtja e rrugëve dhe mjetet e vjetra.
