Presidenti i Federatës Shqiptare të Futbollit, Armand Duka ka hedhur poshtë zërat se Edi Reja mund të marrë drejtimin e Napolit.
Ai ka përjashtuar kategorikisht mundësinë që tekniku i përfaqësueses italiane të zëvendësojë në pankinën napolitane Genaro Gattuso, qoftë edhe përkohësisht.
“Napoli nuk më ka kontaktuar dhe Reja nuk më ka folur për mundësinë e një pune të dyfishtë si trajner i kombëtares dhe i Napolit. Por e nënvizoj se është një mundësi që e përjashtoj në mënyrë kategorike. Nuk mund të jesh trajner njëkohësisht në një kombëtare dhe një skuadër klubi. Nuk mund të ndodhë”, ka thënë Duka për radio “Kiss Kiss Napoli”.
Ai ka lënë të hapur mundësinë që ndeshjet e Kampionatit Europian të zhvillohen me praninë 50% të tifozëve në tribuna si dhe skenarin që ky turne të zhvillohet i gjithi në Angli, ku autoritetet kanë nisur planin për rihapjen e vendit.
