Familja e një shefi hekurudhor rus dyshohet se u masakrua nga një shërbëtor i cili përdhunoi e theri nënën dhe mbyti djalin e saj 6-vjeçar për vdekje.
Sergey Malakhov, 44 vjeç ishte në një udhëtim pune kur të katërt familjarët u vranë pranë Nizhny Novgorod, thonë raportimet.
Gruaja Elena, 41 vjeç, një luleshitëse e njohur, dyshohet se u përdhunua dhe u godit me thikë për vdekje, ndërsa djali i çiftit, Mikhail, gjashtë vjeç u mbyt.
Nëna e shefit të hekurudhës Olga Malakhova, 66 vjeç, dhe vjehrri Anatoli Korolyov, 63 vjeç gjithashtu u vranë në të njëjtën mënyrë. Në raport thuhet se familja pasi u vra edhe u grabit.
Skena tronditëse u zbulua nga një fqinj i cili u dërgua në shtëpi nga Z. Malakhov pasi askush nuk po ia hapte telefonin.
Mediat ruse kanë publikuar fotot e të dyshuarit kryesor Sharofiddin Amirov, 26 vjeç i cili u arrestua me dy bashkëpunëtorët e tij.
Thuhet se Amirov i cili punonte si shërbëtori në familje, ka pasur mosmarrëveshje rreth pagës së tij. Hetimet për vrasje janë nisur dhe nëse ai shpallet fajtor, dënohet me burgim të përjetshëm.
