Kryeministri Edi Rama ka prezantuar sot si një prej kandidateve për deputete që do të garojnë për zgjedhjet e 25 prillit, Najada Çomon, shefen e Infektivit.
Gjatë prezantimit të programit “Shëndetësia që duam”, Rama teksa nisi të fliste për Çomon, e cilësoi atë ‘komandante’ e luftës kundër COVID-19.
“Kush më mirë se komandatja e zjarrit të vijë me ne, jo për tu bërë deputetja e radhës por për të qenë aty sa herë që duhet që zëri i brendshëm të flase. Faleminderit shumë Najada, jam shumë mirënjohës për faktin që je këtu. Është moment për ta thënë, që të gjithë ta dëgjojnë, jam mirënjohës për një fakt tjetër, duke patur parasysh udhëkryqin që është përballja e 25 prillit, Shqipëria duhet të flasë, duhet të jehojë zërin e atyre që janë në vijën e parë të kësaj lufte apo në anën tjetër të kësaj vije, njerëzit e zakonshëm. Është arsye për të reflektuar në skuadrën tonë.
Do shtrijmë dorën e lutjes, e kush më mirë se komandantja e vijës së zjarrit të vijë me ne, jo për tu bërë deputetja e radhës, as për të lënë vijën e zjarrit e për tu ulur në karriget e rehatshme, por për të qenë aty sa herë që duhet që zëri i brëndshëm i atyre hapësirave ku lufta është sy më sy, të mos i mungojë parlamentit dhe njerëzve e qevërisë. Me shumë kënaqësi morëm aprovimin tënd, ne nuk duam të bëhesh si ne, por ne si ty.”, tha kryeministri ndër të tjera.
