Prostitucioni është një aktivitet i paligjshëm në Shqipëri. Megjithatë në rrugët e vendit tonë do të shikoni vajza të cilat dalin për të ushtruar këtë lloj aktiviteti.
Ura e Dajlanit në Durrës, është një nga zonat e cila shfrytëzohet nga disa vajza. As ora policore, e cila ndalon qarkullimin nga ora 20 e mbrëmjen deri në gjashtë të mëngjesit, nuk ka mundur ta ndalojë këtë lloj biznesi.
Top Channel ka publikuar një video, teksa shihen tre vajza pranë urës së Dajlanit në Durrës.
Gazetari: Po mirë, përse del pra, çfarë të shtyn?
Prostituta: Unë dal për bukën e gojës, o djali. Kush do me japi, do më japësh ti bukë mua?
Prostituta: Jo jo, po ti hyjmë tamam, ma jep ti bukën ta haj unë?
Gazetari: Sa fëmijë ke për të rritur?
Prostituta: Unë kam 5 fëmijë o djali.
Gazetari: Sa vite ke që del këtu? Gazetari: 15 vite këtu?!!
Prostituta: Eh, 15 vite dhe s’më ka ndodhë asnjë…jo shtet të jetë, por edhe krim shteti të jetë…
Gazetari: Sa klientë ke në ditë ti?
Prostituta: Unë, dy klientë…
Gazetari: Edhe sa u merr?
Prostituta: Nga 50, nga 100, varet sa të më japin…
Gazetari: Të lënë bakshishe?
Prostituta: Po, me lejnë…
Gazetari: Policia nuk të ndalon ty kur të shikon kështu?
Prostituta: Ska shanse…
Gazetari: Po pse?!!
Prostituta: Ta thashë edhe njëherë…
Gazetari: Po pse s’ka shanse?!!
Prostituta: Po s’ka shanse, pra se mua më njeh shteti se kush jam. Prostitucioni ushtrohet edhe në Tiranë. Bulevardi zogu i parë, është një nga zonat më të preferuara për vajzat që kryejnë këtë aktivitet të paligjshëm.
Gazetari: Sa marrin këto këtu?
Prostituta: 40 mijë lek marrin.
Prostituta: Jo se kanë problem.
Gazetari: Si lëviz policia?
Prostituta: Jo! Prostituta: Ishte njëra këtu, po ajo iku.
Gazetari: Ishte njëra?! E morën?
Prostituta: Jo iku në shtëpi.
Prostituta: Kanë ardhur na kanë pyetur?
Gazetari: Edhe?
Prostituta: Na kanë nxjerrë..
Gazetari: Edhe çfarë ju kanë bërë, ju kanë prishur punë?
Prostituta: Jo se më kanë pyetur për kështu pisllëqesh gjërash. Mua jo, po të tjera i kanë pyetur.
Shumica e këtyre vajzave dalin kryesisht nga ora 6 e pasdites deri në 20 të mbrëmjes. Një numër i vogël janë që e ushtrojnë prostitucionin përtej kësaj ore, edhe kur pranë tyre kalojnë patrullat e policisë. Janë gra dhe vajza të cilat për shkaqe nga më të ndryshmet, guxojnë të sfidojnë edhe autoritetet shtetërorë.
