Kryetari i Grupit Parlamentar të Partisë Socialiste, Taulant Balla ka shpërndarë një video ku shfaqet kreu i PD, Lulzim Basha duke bërë gafën e radhës teksa uron besimtarët për festën e Sulltan Nevruzit.
Çdo gjë duket në rregull, deri në momentin ku Lulzim Basha shprehet se kjo festë shënon fitoren e errësirës mbi dritën.
Balla e ironizon duke shkruajtur se në fakt më 25 prill do fitojë drita përballë errësirës së mendjes së Bashës.
Kjo video është bërë virale, duke dëshmuar edhe njëherë gafat e njëpasnjëshme të Bashës.
Postimi i plotë i Ballës:
O zot! Kur tha ta bëjmë ditën natë e kuptuam që e ka për shkak të gjumit. Po që errësira të fitojë mbi dritën, o Lulëzim nuk ke asnjë shans Sulltan Nevruzi është festat e ringjalljes së jetës, së drites.
Edhe 25 Prilli është dita kur drita do të fitojë në përballjen me errësirën e mëndjes tënde, të bab Saliut, të Likes bashkë me filxhanin e zi të Monës.
